爛桃花

每一個女人都希望有桃花運,
由其在新的一年時, 大大小小的流年運程,
總會在年頭睇下自己今年有冇得行,
當睇先有得行當然超開心啦, 証明自己仲布market,
但當行爛桃花時, 就大X獲, 如果可以推開推走,
另佢知難而退, 真係開心都離唔切,
但又如果推極都推唔走, 明示唔示都唔明,
咁就死得啦, 而我現在就是這樣,
而家呢條蛋散仲要係我公司做得最耐、老闆心腹、
只有佢串人冇人可以串佢嘅老屎佛.
問你死唔死, 每次當其他同事一講追女嘅話題或
唔知咩話題時, 總係明示或暗示話鐘意我,
而且佢亦知道我有男朋友, 仍然咁做, 問你死唔死,
而我已經扮聽唔到, 斷片, 轉話題等等方法來絕佢,
佢依然固我, 屍纏妖后囉救命.....

認命吧

我真係好無耐..... 無耐到爆,
講真的我真係一開始冇諗過要跟單,
你問我想唔想學多D嘢,
你問我我更話想啦, 唔通同你講唔想咩,
講真我我學真係冇問題呀, 但你都話我知應該點跟呀,
咩都冇同講冇人教我, 我自己成隻肓頭烏蠅咁係咁沖,
咁沖更係做錯啦, 做錯你估我想呀, 你估我唔想英文好呀,
我夠知我英文差啦, 我都冇話過要跟外國客,
你錯咗文法但個客明未得囉, 你仲想回呀,
我英文好都唔會坐係到啦, 都痴鬼線呀!!
你英文好唔代表我英文好的!!
我就算文法錯至少個客都知道我想請咩先呀,
你仲想我點呀.....